Карло Анчелотти “Арсенал”га учралган мағлубиятнинг асл сабабини айтди
ФОТО: Reuters
Мадриднинг “Реал” клуби бош мураббийи Карло Анчелотти Чемпионлар Лигаси чорак финалида “Арсенал”га (3:0) учралган мағлубиятнинг асл сабабларини айтиб ўтди.
“Статистика кўрсатиб турибди: биз рақибларимиздан камроқ югурдик ва бу бизга таъсир қилди. Биз яхшироқ ҳаракат қилишимиз мумкин эди.
Жавоб ўйинида вазиятни тўғрилашга ҳаракат қиламиз. “Реал” буни кўп бор қила олган ягона жамоа, лекин биз буни яна уддалашимиз керак.
Мухлисларимиз ва стадионимиз бизга қанчалик ёрдам бера олишини биламиз. Биз охирги дақиқаларгача бор кучимиз билан ҳаракат қиламиз”, - дейди Анчелотти.
Эслатиб ўтамиз, “Реал” ва “Арсенал” ўртасидаги Чемпионлар Лигаси чорак финалининг жавоб ўйини 17-апрел куни бўлиб ўтади.
Насрулло Каримов
Журналист
