Karlo Anchelotti “Arsenal”ga uchralgan mag'lubiyatning asl sababini aytdi
FОТО: Reuters
Madridning “Real” klubi bosh murabbiyi Karlo Anchelotti Chempionlar Ligasi chorak finalida “Arsenal”ga (3:0) uchralgan mag'lubiyatning asl sabablarini aytib o'tdi.
“Statistika ko'rsatib turibdi: biz raqiblarimizdan kamroq yugurdik va bu bizga ta'sir qildi. Biz yaxshiroq harakat qilishimiz mumkin edi.
Javob o'yinida vaziyatni to'g'rilashga harakat qilamiz. “Real” buni ko'p bor qila olgan yagona jamoa, lekin biz buni yana uddalashimiz kerak.
Muxlislarimiz va stadionimiz bizga qanchalik yordam bera olishini bilamiz. Biz oxirgi daqiqalargacha bor kuchimiz bilan harakat qilamiz”, - deydi Anchelotti.
Eslatib o'tamiz, “Real” va “Arsenal” o'rtasidagi Chempionlar Ligasi chorak finalining javob o'yini 17-aprel kuni bo'lib o'tadi.
Nasrullo Karimov
Jurnalist
