Карлес Пуйоль: «Реал» Моуринью билан янада кучлироқ бўлиши мумкин»
«Барселонанинг» собиқ ҳимоячиси Карлес Пуйоль «Реал» клуби Жозе Моуринью қўл остида янада кучли жамоага айланиши мумкинлигини таъкидлади.
«Биз буюк мураббий ҳақида гапиряпмиз. Мен у билан “Барселона”да, ёшлар жамоасидан асосий таркибга ўтган вақтимда танишганман. Ўшандаёқ унинг футболни қанчалик чуқур тушуниши кўриниб турарди. Кейинчалик у ажойиб фаолият олиб борди ва “Реал”ни бошқарди.
Ўша пайтда биз ўз формамизнинг чўққисида эдик. Гвардиола ва Моуринью ўртасидаги рақобат, Месси ва Криштианунинг ёрқин ўйинлари фонида ҳақиқатан ҳам икки буюк жамоа ўзаро беллашарди. Бу ажойиб рақобатни яхши эслайман.
Энди воқеалар қандай ривожланишини кўрамиз. Мен ҳануз “Барселона” кучли жамоа эканига ва ажойиб мавсум ўтказиши мумкинлигига ишонаман. Моуринью қўл остида “Реал” янада кучлироқ бўлиши мумкин», — дея Пуйольнинг сўзларини келтирди Marca.
