Карим Бензема яна Лионель Месси билан бир лигада ўйнаши мумкин

“Ал-Ҳилол” ҳужумчиси Карим Бензема яқин вақт ичида Саудия Арабистони клубини тарк этади. 38 ёшли франциялик футболчи фаолиятини давом эттириш учун бир нечта таклиф олган. Бу ҳақда Diario AS хабар берди.

Бенземага Саудия Арабистонининг “Ал-Шабаб” ва собиқ жамоаси “Ал-Иттиҳод” қизиқиш билдирмоқда. Бундан ташқари, ҳужумчига АҚШнинг MLS чемпионатидан ҳам таклиф тушган.

Агар Бензема MLS клубига ўтса, у яна Лионель Месси билан бир чемпионатда тўп суриши мумкин. Месси айни пайтда “Интер Майами” сафида фаолият олиб бормоқда. Бензема эса ҳозирча келажаги борасида якуний қарор қабул қилмаган.

Маълумот учун, Бензема “Ал-Ҳилол” сафида 16 та учрашувда 10 та гол уриб, 5 та голли узатма амалга оширган. Футболчи фаолиятини якунлашни режалаштирмаяпти.

Насрулло Каримов

Журналист

0 0 0 0 0 0