Карим Бензема “Ал-Ҳилол”даги келажаги ҳақида: “Мен қоламан”
38 ёшли француз футболчиси жорий мавсумда Саудия Арабистони клубини тарк этмаслигини тасдиқлади.
Фото: Getty Images
“Ал-Ҳилол” ҳужумчиси Карим Бензема келажаги борасида қарор қабул қилганини маълум қилди. 38 ёшли француз футболчиси жорий мавсумда Саудия Арабистони клубини тарк этмаслигини тасдиқлади.
“Мен “Ал-Ҳилол”да қоламан”, — деди Бензема. Футболчининг ушбу сўзларини инсайдер Фабрицио Романо ўз ижтимоий тармоқларида келтирди.
Бензема “Ал-Ҳилол” сафига 2026-йил февраль ойида “Ал-Иттиҳод”дан кўчиб ўтган. Бунгача француз ҳужумчиси “Ал-Иттиҳод” билан Саудия Арабистони чемпионати ва мамлакат кубогида ғолиб чиққан.
Маълумот учун, Бензема 2009–2023-йиллар давомида “Реал Мадрид” шарафини ҳимоя қилган. У Мадрид клуби билан 25 та соврин, жумладан беш марта Чемпионлар Лигасини қўлга киритган. 2022-йилда эса “Олтин тўп” соҳибига айланган.
Насрулло Каримов
Журналист