Karim Benzema “Al-Hilol”dagi kelajagi haqida: “Men qolaman”
“Al-Hilol” hujumchisi Karim Benzema kelajagi borasida qaror qabul qilganini ma’lum qildi. 38 yoshli fransiyalik futbolchi joriy mavsumda Saudiya Arabistoni klubini tark etmasligini tasdiqladi.
“Men “Al-Hilol”da qolaman”, — dedi Benzema. Futbolchining ushbu so‘zlarini insayder Fabritsio Romano o‘z ijtimoiy tarmoqlarida keltirdi.
Benzema “Al-Hilol” safiga 2026-yil fevral oyida “Al-Ittihod”dan ko‘chib o‘tgan. Bungacha fransiyalik hujumchi “Al-Ittihod” bilan Saudiya Arabistoni chempionati va mamlakat kubogida g‘olib chiqqan.
Ma’lumot uchun, Benzema 2009–2023-yillar davomida “Real Madrid” sharafini himoya qilgan. U Madrid klubi bilan 25 ta sovrin, jumladan besh marta Chempionlar Ligasini qo‘lga kiritgan. 2022-yilda esa “Oltin to‘p” sohibiga aylangan.
