Капелло: «Италия терма жамоаси учун энг муносиб номзод — Антонио Конте»
Гаттузо ўз лавозимидан озод этилди.
ФОТО: Getty images
«Милан» ва «Рома»нинг собиқ бош мураббийи Фабио Капелло Италия терма жамоаси бош мураббийлигига энг муносиб номзод сифатида Антонио Контени кўрсатди.
«Мен бу ҳақда аввал ҳам айтганман — Конте. У терма жамоа бошқарувида ўзини аъло даражада кўрсатган.
Роберто Манчини ҳам кучли мутахассис. Бироқ унинг ҳал қилувчи ўйинлар арафасида миллий жамоани тарк этганини шунчаки унутиб бўлмайди. Бу жуда жиддий қарор эди», — деди Капелло Football Italia нашрига.
Эслатиб ўтамиз, Италия терма жамоаси Жаҳон чемпионати–2026 йўлланмаси учун плей-офф финалида Босния ва Герцеговинага (1:1, пенальтилар сериясида 1:4) мағлуб бўлди.
Ушбу омадсизликдан кейин миллий жамоа бош мураббийи Женнаро Гаттузо ўз лавозимидан озод этилди.
Розикжон Султонмуродов
Журналист