Канселуга интизомий жаза қўлланилиши мумкин
Португалиялик ҳимоячи Жоау Канселу "Барселона"га ўтишни кутётгани сабабли "Ал-Ҳилол"нинг мавсумолди йиғинига қўшилмади. Шу боис Саудия клуби футболчига нисбатан интизомий чоралар қўллаши мумкин.
Маълумотларга кўра, Канселу таътилдан сўнг жамоа билан Австриядаги йиғинга етиб бориши керак эди. Бироқ у Португалияда қолиб, индивидуал машғулотларни давом эттирмоқда. Футболчининг клубдан рухсат олган-олмагани ҳозирча расман тасдиқланмаган.
31 ёшли ҳимоячи фаолиятини "Барселона"да давом эттиришни истамоқда. Каталония клуби ҳам футболчини тўлиқ трансфер қилиш устида "Ал-Ҳилол" билан музокараларни давом эттирмоқда. Томонлар келишувга яқин экани айтилаяпти.
Агар Канселунинг мавсумолди йиғинида қатнашмагани узрсиз деб топилса, "Ал-Ҳилол" клуб ички низомига мувофиқ футболчини жаримага тортиши ёки бошқа интизомий жаза чораларини қўллаши мумкин.
