Каннаваро «Олтин тўп» учун кураш ҳақида: «Хвича ақл бовар қилмас ишларни амалга оширди»
Ўзбекистон миллий жамоаси бош мураббийи Фабио Каннаваро жорий йилги «Олтин тўп» учун курашда кимни қўллаб-қувватлашини маълум қилди. Унинг фикрича, совринга «ПСЖ» ва Грузия терма жамоаси вингери Хвича Кварацхелия лойиқ.
«Менинг хотирам яхши, фақат сўнгги воқеаларга эътибор қаратмайман. Ўтган мавсумда Чемпионлар лигасининг энг ёрқин футболчиси Кварацхелия бўлди. Агар овоз беришим керак бўлганида, иккиланмасдан уни танлардим.
Албатта, жаҳон чемпионати, Мбаппе, Месси ва унинг бутун фаолиятини эслаш мумкин. Аммо Квара майдонда ақл бовар қилмас ишлар қилди», — дея Каннаваронинг сўзларини La Gazzetta dello Sport нашри келтирган.
Маълумот учун, «Олтин тўп»ни топшириш маросими 26 октябрь куни Лондонда бўлиб ўтиши белгиланган.
Қайд этиш жоизки, Фабио Каннаваронинг ўзи ҳам мазкур нуфузли соврин соҳиби ҳисобланади. У 2006 йилда Италия терма жамоаси билан жаҳон чемпиони бўлганидан сўнг «Олтин тўп»ни қўлга киритган эди.
