Каннаваро: «Бу йиғинда асосий эътиборни келажакка қаратдик. Бизда ёш ёки қари ўйинчи деган тушунча йўқ»
Каннаваро: «Бу йиғинда асосий эътиборни келажакка қаратдик. Бизда ёш ёки қари ўйинчи деган тушунча йўқ»
Италиялик мутахассис матбуот анжуманида йиғинга илк бор чақирилган Муҳаммад Ҳакимов ҳақида ҳам фикр билдирди.
Ўзбекистон миллий жамоаси бош мураббийи Фабио Каннаваро ва сардори Элдор Шомуродов Эронга қарши баҳс олдидан матбуот анжуманида иштирок этди.
- Эронга қарши баҳсда миллий жамоага чақирилган Муҳаммад Ҳакимов майдонга тушадими?
- Ҳакимовни жаҳон чемпионатидан олдин кўрдим. Ёш бўлишига қарамай, қўрқмаслиги ва кучли шахсиятга эга. Бизнинг миллий жамоада ёш ёки қария деган тушунча йўқ. Бўлажак баҳсларда қанчадур вақтда майдонга тушишига имконият берамиз. Айтайлик, ёш ўйинчиларнинг потенциали ва иқтидори бўлса, уни албатта йиғинларга жалб қиламиз. Ёши катталарга ҳам имконият берамиз.
- Миллий жамоага ёшларни чақиришда сиз нималарга эътибор берасиз? Сречко Катанес бўйи паст бўлган ўйинчиларни чақирмаслигини ва бўйдорларга имконият беришини айтганди...
- Эрта тонгдан туриб, миллий жамоа учун ўзимдан-ўзим ўйинчиларни танламайман. Ҳар доим кучли ва жамоага ёрдам берадиган ўйинчиларни жалб қиламиз. Чемпионатда яхши ўйнаётганларни чақирamiz. Ким келган бўлса, улар бунга ҳақли. Кимлар чақирилмаган бўлса, бунинг ўзига яраша сабаблари бор.
Бу йиғиндан асосий мақсад келажак учун қаратилган. Янги чақирганларни келажак учун чақирдик. Унга эътибор қаратмоқдамиз. Аввалги мураббий асосан 20-22 нафар ўйинчи чақирарди. Бу эса сиз журналистлар учун ёқмаган. Ҳозирги ҳолатда кўплаб ўйинчиларни ҳам йиғинга чақиришимиздан ҳам камчилик топилмоқда. Икром Алибоевга келсак. У яхши футболчи. Унга миллий жамоа эшиклари учун очиқ. Такрорлайман, ушбу йиғиндан асосий мақсад, келажакка кўпроқ эътибор бериш. Мен ҳам сизларни ҳурмат қиламан. Сизлардан ҳам илтимос менинг қарорларимни ҳурмат қилинг», - дея матбуот анжуманини якунлади Каннаваро.
