«Камп Ноу» ташқарисида Мессига ҳайкал қўйилади
Месси “Барса” сафида 778 та ўйинда 672 та гол урган.
ФОТО: Getty images
“Барселона” президенти Жоан Лапорта клуб афсонаси Лионель Мессининг ҳайкали яқинда қайта очиладиган “Камп Ноу” ташқарисида ўрнатилишини маълум қилди.
Каталония клуби тарихдаги энг яхши футболчисини шарафлаш учун доимий ёдгорлик устида ишламоқда.
“Месси ҳар доим “Барселона” билан боғлиқ бўлиб қолади. Унинг эшиклари очиқ, биз уни чексиз ҳурмат қиламиз. У энг олий даражадаги эҳтиромга муносиб”, — дейди Лапорта.
Маълумот учун, Месси “Барса” сафида 778 та ўйинда 672 та гол урган. 21 йиллик фаолияти давомида у жамоа билан 10 та Ла Лига, 4 та Чемпионлар Лигаси ва 3 та клублар ўртасидаги Жаҳон чемпионлиги каби тарихий совринларни қўлга киритган.
Розикжон Султонмуродов
Журналист