Камондан отиш. Тошкент халқаро турнирга мезбонлик қилади
PHOTO: Telegram
Камондан отиш спорт тури бўйича дунёда етакчилик қилаётган спортчи ва ҳакамлар иштирокида жорий йилнинг 17-19 май кунлари пойтахтимизда III Халқаро “Алпомиш ва Барчиной” турнири бўлиб ўтади. Унда Бутунжаҳон Камондан отиш федерацияси бош котиби Том Дилен жанобларининг иштироки кутилмоқда.
Ўзбекистон мезбонлигида ўтказиладиган мазкур турнирда, 8 та давлат (Грузия, Туркия, Ҳиндистон, Қирғизистон, Туркманистон, Тожикистон, Қозоғистон Республикалари ва Россия Федерацияси)дан ташриф буюрадиган 100 дан ортиқ моҳир мерганлар ўртасидаги муросасиз ва қизғин беллашувларни гувоҳи бўлишингиз мумкин.
Спортчиларимизни қўллаб-қувватлашни унутманг ва мусобақа тафсилотларини sports24.uzда кузатиб боринг.
Иброҳим Жалолов
Редактор