Камавинга «Бавария»га қарши ўйинда қизил карточка олганидан сўнг кийиниш хонасида йиғлаб юборди — манба
Мадриднинг «Реал» клуби яримҳимоячиси Эдуарду Камавинга Чемпионлар Лигаси чорак финали доирасидаги «Бавария»га қарши жавоб учрашувидан (4:3) сўнг кийиниш хонасида йиғлаб юборган.
Мазкур баҳсда у заҳирадан майдонга тушганидан 25 дақиқа ўтиб қизил карточка олиб, майдонни тарк этган эди. Бу ҳақда Marca нашри хабар бермоқда.
Манба берган маълумотларга кўра, «қаймоқранглилар» футболчилари ўйиндаги ҳакамликдан ғазабланган ҳолда кийиниш хонасига киришган, бироқ «мутлақо руҳан эзилган» Камавингани кўргач, тинчланишган. Таъкидланишича, француз яримҳимоячиси ўзининг хатоси қарама-қаршилик тақдирини ҳал қилганини тушуниб етган инсон ҳолатида бўлган. «Реал» ўйинчилари эса Камавингани қўллаб-қувватлашган.
Шунингдек, яримҳимоячи ўз исмининг клубнинг трансфер рўйхатидан жой олганини ҳам англаб турибди.
