Кабо-Верде терма жамоаси тарихда илк бор Жаҳон чемпионатига йўл олди

Кабо-Верде терма жамоаси жаҳон чемпионатига йўл олди.

Бубишта бошқарувидаги жамоа ЖЧ-2026 саралашининг 10-турида Эсватини терма жамоасини 3:0 ҳисобида мағлубиятга учратди ва 23 очко билан саралаш босқичини ўз гуруҳида биринчи ўринда якунлади.

Шу тариқа, 600 мингга яқин аҳолиси бор Кабо-Верде ЖЧ-2026нинг 22-иштирокчисига айланди. Бунгача АҚШ, Канада, Мексика, Япония, Янги Зеландия, Эрон, Аргентина, Ўзбекистон, Жанубий Корея, Иордания, Австралия, Бразилия, Эквадор, Уругвай, Колумбия, Парагвай, Марокаш, Тунис, Миср, Жазоир ва Гана йўлланмани ҳал қилганди.

Розикжон Султонмуродов

Журналист