Иван Ракитич фаолиятини якунлаганини эълон қилди
Фото: Getty Images
Хорватия терма жамоаси ва «Барселона»нинг собиқ ярим ҳимоячиси Иван Ракитич 37 ёшида профессионал футболчилик фаолиятини якунлади.
Ракитич "Севилья" ва "Барселона"даги ўйинлари билан танилган. У шунингдек, “Базел”, “Шальке”, “Хайдук” ва Саудия Арабистонининг “Аш-Шабаб” клубларида ҳам ўйнаган.
У Хорватиянинг асосий терма жамоаси сафида 106та ўйин ўтказиб, 15та гол урган. Терма жамоа билан биргаликда 2018 йил Россияда бўлиб ўтган жаҳон чемпионатида кумуш медални қўлга киритди. Ракитич Испаниянинг кўп карра чемпиони, Чемпионлар лигаси, Европа лигаси ва УЕФА Суперкубоги ғолиби ҳисобланади.
Розикжон Султонмуродов
Журналист