Ivan Rakitich faoliyatini yakunlaganini e'lon qildi
Photo: Getty Images
Xorvatiya terma jamoasi va "Barselona"ning sobiq yarim himoyachisi Ivan Rakitich 37 yoshida professional futbolchilik faoliyatini yakunladi.
Rakitich "Sevilya" va "Barselona"dagi o'yinlari bilan tanilgan. U, shuningdek, “Bazel”, “Shalke”, “Xayduk” va Saudiya Arabistonining “Ash-Shabab” klublarida ham to'p surgan.
U Xorvatiyaning asosiy terma jamoasi safida 106 ta o'yin o'tkazib, 15 ta gol urgan. Terma jamoa bilan birga 2018 yili Rossiyada bo'lib o'tgan jahon chempionatida kumush medalni qo'lga kiritgan. Rakitich Ispaniyaning ko'p karra chempioni, Chempionlar ligasi, Yevropa ligasi va UEFA Superkubogi g'olibi hisoblanadi.
Roziqjon Sultonmurodov
Jurnalist