Иван Пешич — ОКМК футболчиси
Ёзги трансфер ойнаси доирасида ОКМК футбол клуби янги легионер билан шартнома имзолади. Ўтган мавсумни Руминияда ўтказган хорватиялик футболчи Иван Пешич фаолиятини эндиликда жамоамиз сафида давом эттиради.
Иван Пешич профессионал фаолияти давомида Европанинг бир қатор клублари сафида тўп сурган. У Хорватиянинг U-19 терма жамоаси сафида ҳаракат қилган бўлиб, Руминиянинг «Динамо» (Бухарест) ва «Киндия» (Тирговиште), Украинанинг «Ворскла» (Полтава) ҳамда Беларуснинг «Динамо» (Минск) клублари шарафини ҳимоя қилган.
Шунингдек, футболчи Қозоғистоннинг «Шахтёр» (Қараганда), «Каспий» (Ақтау) ва «Қайсар» жамоалари сафида ҳам муваффақиятли тўп сурган. Унинг халқаро тажрибаси, тезкорлиги ва ҳужумдаги самарали ҳаракатлари жамоамизнинг ҳужум чизиғини янада кучайтириши кутилмоқда.
Клуб ва 1992-йилда туғилган хорватиялик футболчи Иван Пешич ўртасида жорий мавсум якуннига қадар амал қиладиган меҳнат шартномаси имзоланди.
