“Иқтидорли мураббий” лойиҳаси доирасида ёш мураббийлар тажрибали мутахассислар қўл остида амалиёт ўташди
ФОТО: UzbekistanFA
Ўзбекистон футбол ассоциацияси томонидан амалга оширилаётган “Иқтидорли мураббий” лойиҳаси доирасида ҳудудий футбол академияларининг 20 нафар ёш ва истиқболли мураббийлари Суперлига ҳамда Про лига жамоаларида малака ва тажрибага эга мутахассислар қўл остида амалиёт ўташди.
Амалиёт машғулотлари давомида ёш мураббийлар замонавий мураббийлик методикалари, футболчиларнинг жисмоний ва техник тайёргарлигини оширишга қаратилган илғор тажрибалар билан танишиш имкониятига эга бўлишди.
“Иқтидорли мураббий” лойиҳасининг асосий мақсади – ёш мураббийларни билим ва кўникмаларини ривожлантириш, уларнинг профессионал салоҳиятини ошириш орқали маҳаллий академияларда сифатли футбол таълими йўлга қўйишдан иборат.
Насрулло Каримов
Журналист