“Iqtidorli murabbiy” loyihasi doirasida yosh murabbiylar tajribali mutaxassislar qo'l ostida amaliyot o'tashdi
FOTO: UzbekistanFA
O‘zbekiston futbol assotsiatsiyasi tomonidan amalga oshirilayotgan “Iqtidorli murabbiy” loyihasi doirasida hududiy futbol akademiyalarining 20 nafar yosh va istiqbolli murabbiylari Superliga hamda Proliga jamoalarida malakali va tajribali mutaxassislar qo‘l ostida amaliyot o‘tashdi.
Amaliy mashg‘ulotlar davomida yosh murabbiylar zamonaviy murabbiylik metodikalari, futbolchilarning jismoniy va texnik tayyorgarligini oshirishga qaratilgan ilg‘or tajribalar bilan tanishish imkoniga ega bo'lishdi.
“Iqtidorli murabbiy” loyihasining asosiy maqsadi – yosh murabbiylarni bilim va ko‘nikmalarini rivojlantirish, ularning professional salohiyatini oshirish orqali mahalliy akademiyalarda sifatli futbol ta’limini yo‘lga qo‘yishdan iborat.
Nasrullo Karimov
Jurnalist