Италия миллий жамоаси Босния ва Герцеговинага қарши ўйин олдидан бонус талаб қилишган — манба
Италия терма жамоаси футболчилари Босния ва Герцеговинага қарши ҳал қилувчи баҳс олдидан федерациядан ҳар бир ўйинчи учун 10 минг евро миқдорида шахсий бонус тўланишини талаб қилишган. Ушбу мукофот пуллари жамоа Жаҳон чемпионатига йўлланмани қўлга киритган тақдирда берилиши керак эди. Бироқ Италия футбол федерацияси ушбу сўровни ўйин бошланишидан аввал рад этган. Бу ҳақда The Touchline хабар бермоқда.
Натижада, «Скуадра Адзурра» саралашнинг «A» йўли финал учрашувида Босния ва Герцеговина термасига имкониятни бой берди (1:1, пенальтилар сериясида 1:4). Ушбу мағлубият италияликлар учун кетма-кет учинчи бор Жаҳон чемпионатини ўтказиб юбориш деганидир.
Эслатиб ўтамиз, 2026 йилги Жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтади.
