Италия А Сериясида 21 апрелга белгиланган ўйинлар Рим папасининг вафоти сабабли қолдирилди
Расм: gettyimages.com ФК Ювентус
Италия А Сериясида 21 апрел куни бўлиб ўтиши керак бўлган бир нечта учрашув Рим папаси Францискнинг вафоти муносабати билан бошқа кунга кўчирилди. У Ватикандаги резиденциясида вафот этган.
А Серия расмийлари шундай маълум қилган: «Рим папасининг вафоти муносабати билан А Серия Профессионал Лигаси бугунга белгиланган барча ўйинлар бошқа муддатга қолдирилишини эълон қилади».
33-тур доирасида қолдирилган ўйинлар рўйхати:
Торино — Удинезе
Каляри — Фиорентина
Женоа — Лацио
Парма — Ювентус
А Серия турнир жадвалида «Интер» клуби 71 очко билан пешқадамлик қилмоқда. Унинг орқасидан 71 очкога эга «Наполи» келмоқда, учинчи ўринда эса «Аталанта» клуби 64 очко билан жой олган.
Бакрадзе Иман
Редактор
