«Истанбул Башакшехир» Конференциялар Лигаси йўлланмасини қўлга киритди
Шомуродов якунланган мавсумда 22 та гол ва 5 та ассист билан жамоанинг етакчиларидан бирига айланди.
ФОТО: Getty images
Элдор Шомуродов ва Аббосбек Файзуллаев тўп сурётган Туркиянинг «Истанбул Башакшехир» клуби Конференциялар Лигаси саралаш босқичига йўлланма олди.
Туркия Суперлигасининг якунланган мавсумида «Башакшехир» 57 очко билан 5-ўринни эгаллади. Дастлаб бу ўрин европа кубоклари учун етарли эмас эди. Бироқ, 3-ўринни олган «Трабзонспор» Туркия Кубоги финалида ғалаба қозониб, Европа Лигаси йўлланмасини нақд қилди. Натижада, чемпионат орқали бериладиган Конференциялар Лигаси йўлланмаси 5-ўриндаги «Башакшехир»га ўтди.
Ўзбекистонлик ҳужумчи Элдор Шомуродов якунланган мавсумда 22 та гол ва 5 та ассист билан жамоанинг етакчиларидан бирига айланди.
Розикжон Султонмуродов
Журналист