«Istanbul Bashakshehir» Konferensiyalar Ligasi yo‘llanmasini qo‘lga kiritdi
Shomurodov yakunlangan mavsumda 22 ta gol va 5 ta assist bilan jamoaning yetakchilaridan biriga aylandi.
ФОТО: Getty images
Eldor Shomurodov va Abbosbek Fayzullayev to‘p surayotgan Turkiyaning «Istanbul Bashakshehir» klubi Konferensiyalar Ligasi saralash bosqichiga yo’llanma oldi.
Turkiya Superligasining yakunlangan mavsumida «Bashakshehir» 57 ochko bilan 5-o‘rinni egalladi. Dastlab bu o‘rin yevrokuboklar uchun yetarli emas edi. Biroq, 3-o‘rinni olgan «Trabzonspor» Turkiya Kubogi finalida g‘alaba qozonib, Yevropa Ligasi yo‘llanmasini naqd qildi. Natijada, chempionat orqali beriladigan Konferensiyalar Ligasi yo‘llanmasi 5-o‘rindagi «Bashakshehir»ga o‘tdi.
O‘zbekistonlik hujumchi Eldor Shomurodov yakunlangan mavsumda 22 ta gol va 5 ta assist bilan jamoaning yetakchilaridan biriga aylandi.
Roziqjon Sultonmurodov
Jurnalist