Исроил Адесаня фаолиятини якунлагач нима билан шуғулланишини айтди
Нигериялик спортчи ўзининг навбатдаги жанги март ойида ўтказади.
ФОТО: Getty Images
Ўрта вазн тоифасида икки карра UFC чемпиони, Нигериялик Исроил Адесаня аралаш яккакурашлардаги фаолиятини якунлаганидан сўнг қайси соҳаларда ўзини синаб кўрмоқчи эканлиги ҳақида сўз очди.
«Мен дижейлик қилишим мумкин. Бунинг учун тўрт ойлик меҳнат сарфланди ва мен буни уддаладим. Шунчаки дижей эмас, балки ҳақиқий шоуларда чиқиш қиладиган даражага чиқдим. Шунингдек, Голливуддан ҳам таклифлар бор... Аммо мен кўпроқ EA, Activision каби видеоуйинлар ишлаб чиқарувчи компанияларда ишлашни ва ўйинлар яратишни афзал кўрган бўлардим», — дея таъкидлади Адесаня ўзининг YouTube каналида.
Эслатиб ўтамиз, Адесаня навбатдаги жанги 28 март куни UFC Fight Night 271 турнири доирасида америкалик Жо Пайферга қарши ўтказади.
Насрулло Каримов
Журналист