Испанияда Жаҳон чемпионатининг ғалабаси нишонланаётган вақтда аянчли ҳодиса юз берди
Шаҳар маъмурияти биносидаги давлат байроқлари 22 июлга қадар ярим устунга туширилади.
ФОТО: Getty images
Испаниянинг Сьюдад-Родриго шаҳрида 2026 йилги Жаҳон чемпионати финалида миллий терма жамоа ғалабасини нишонлаш чоғида аянчли ҳодиса содир бўлди.
Europa Press агентлиги маълумотига кўра, байрам тадбирлари вақтида фавворанинг бир қисми қулаб тушган. Ҳодиса пайтида унинг устида бир нечта ёшлар бўлган. Оқибатда 13 ёшли ўсмир ҳалок бўлган.
Шаҳар маъмурияти марҳумнинг оиласи ва яқинларига чуқур ҳамдардлик билдирди. Мэриянинг расмий баёнотида қайд этилишича, «миллий терма жамоа ғалабасидан кейинги қувонч бутун шаҳар учун чексиз қайғуга айланди».
Ҳурмат рамзи сифатида шаҳар маъмурияти биносидаги давлат байроқлари 22 июлга қадар ярим устунга туширилади.
Розикжон Султонмуродов
Журналист