Испания Кубоги: яримфиналнинг барча иштирокчилари маълум бўлди
5 февраль оқшомида Испания Кубогининг (Copa del Rey) чорак финал босқичи якунланди. Ўтказилган шиддатли баҳслар натижасида турнирнинг яримфинал йўлланмасини қўлга киритган тўртала жамоа номи аниқ бўлди.
Яримфиналга йўл олган жамоалар:
- «Барселона»
- «Реал Сосьедад»
- «Атлетик Бильбао»
- «Атлетико Мадрид»
Эътиборли жиҳати шундаки, ушбу босқичдан бошлаб ғолиблар икки ўйин натижасига кўра аниқланади. Яримфинал жуфтликлари эса яқин орада бўлиб ўтадиган қура ташлаш маросимидан сўнг маълум бўлади.
Маълумот учун, мусобақанинг амалдаги ғолиби «Барселона» клуби ҳисобланади. Ўтган мавсумнинг ҳал қилувчи финал учрашувида каталонияликлар Мадриднинг «Реал» клубини қўшимча бўлимларда 3:2 ҳисобида мағлуб этиб, чемпионликка эришган эди.
Шунингдек, «кўк-анорранглилар» Испания Кубогида ғалаба қозониш бўйича мутлоқ рекордчи саналадилар — жамоа ўз тарихида 32 бор ушбу нуфузли совринни қўлга киритган.
