Испания Кубоги. «Реал»ни мағлуб этган «Албасете» чорак финалда «Барселона»га қарши ўйнайди
Бугун турнир чорак финалига қуръа ташланди.
ФОТО: Getty Images
Бугун, 19 январь куни, Испания Кубогининг чорак финал босқичига қуръа ташланди. Натижада «Барселона»нинг ушбу босқичдаги рақиби «Албасете» бўлди. Эслатиб ўтамиз, «Албасете» 1/8 финалда Мадриднинг «Реал» клубини мағлуб этганди.
Испания Кубоги 1/4 финал жуфтликлари қуйидагича кўриниш олди:
- «Албасете» — «Барселона»;
- «Алавес» — «Реал Сосьедад»;
- «Валенсия» — «Атлетик»;
- «Бетис» — «Атлетико».
Ҳозирги вақтда Испания Кубогининг амалдаги ғолиби «Барселона» ҳисобланади. Ўтган мавсум финалида каталонияликлар Мадриднинг «Реал» жамоасини мағлуб этган эди. Шунингдек, «Барселона» ушбу турнир тарихи давомида энг кўп ғалабага эришган клуб бўлиб, жамоа ҳисобида Испания Кубогига 32 та чемпионлик мавжуд.
Насрулло Каримов
Журналист