Испания Кубоги. «Реал Сосьедад» «Атлетик»ни мағлуб этиб, финалга йўлланма олди
Испания Кубоги яримфинал жавоб учрашуви бўлиб ўтди. Унда «Реал Сосьедад» ўз майдонида Бильбаонинг «Атлетик» клубини қабул қилди. Сан-Себастьяндаги «Reale Arena»да ўтган баҳс мезбонларнинг 1:0 ҳисобидаги ғалабаси билан якунланди.
Учрашувдаги ягона ва ҳал қилувчи голни 87-дақиқада «Реал Сосьедад» ҳужумчиси Микел Оярсабал пенальтини аниқ амалга оширган ҳолда киритди.
Эслатиб ўтамиз, Бильбаода бўлиб ўтган илк ўйинда ҳам Сан-Себастьян клуби 1:0 ҳисобида зафар қучган эди. Икки ўйин натижасига кўра (2:0), «Реал Сосьедад» Испания Кубоги финалига йўлланма олди. Ҳал қилувчи баҳсда жамоа Мадриднинг «Атлетико» клубига қарши майдонга тушади.
Маълумот ўрнида, «Барселона» мусобақанинг амалдаги ғолиби эди (2025 йилги финалда «Реал»ни 3:2 ҳисобида мағлуб этган), бироқ каталонияликлар яримфиналда «Атлетико»га имкониятни бой бериб, турнирни тарк этишди.
Испания Кубоги. Яримфинал
«Реал Сосьедад» — «Атлетик Бильбао» 1:0 (1:0)
Гол: Оярсабал (пен. 87).
