Ispaniya Kubogi. «Real Sosedad» «Atletik»ni magʻlub etib, finalga yoʻllanma oldi
Ispaniya Kubogi yarimfinal javob uchrashuvi boʻlib oʻtdi. Unda «Real Sosedad» o‘z maydonida Bilbaoning «Atletik» klubini qabul qildi. San-Sebastyandagi «Reale Arena»da o‘tgan bahs mezbonlarning 1:0 hisobidagi g‘alabasi bilan tugadi.
Uchrashuvdagi yagona va hal qiluvchi golni 87-daqiqada «Real Sosedad» hujumchisi Mikel Oyarsabal penaltini aniq amalga oshirgan holda kiritdi.
Eslatib o‘tamiz, Bilbaodagi ilk o‘yinda ham San-Sebastyan klubi 1:0 hisobida zafar quchgan edi. Ikki o‘yin natijasiga ko‘ra (2:0), «Real Sosedad» Ispaniya Kubogi finaliga yo‘llanma oldi. Hal qiluvchi bahsda jamoa Madridning «Atletiko» klubiga qarshi maydonga tushadi.
Ma’lumot o‘rnida, «Barselona» musobaqaning amaldagi g‘olibi edi (2025 yilgi finalda «Real»ni 3:2 hisobida mag‘lub etgan), biroq kataloniyaliklar yarimfinalda «Atletiko»ga imkoniyatni boy berib, turnirni tark etishdi.
Ispaniya Kubogi. Yarimfinal
«Real Sosedad» — «Atletik Bilbao» 1:0 (1:0)
Gol: Oyarsabal (pen. 87).
