Испания Кубоги. «Барселона» «Атлетико»ни йирик ҳисобда мағлуб этиб, турнир билан хайрлашди
Испания Кубоги 2025/2026 йилги мавсумининг яримфинал жавоб учрашуви якунланди. Унда «Барселона» ўз майдонида «Атлетико Мадрид»ни қабул қилди. «Спотифай Камп Ноу»да ўтган баҳс мезбонларнинг 3:0 ҳисобидаги ғалабаси билан якунланди.
29-дақиқада «кўк-анорранглилар» яримҳимоячиси Марк Бернал ҳисобни очди. Биринчи бўлимга қўшиб берилган вақтда (45+4) Рафинья пенальтини аниқ амалга ошириб, фарқни оширди. 72-дақиқада эса Бернал дубль қайд этиб, ҳисобни йирик кўринишга келтирди.
Бироқ ушбу ғалаба каталонияликларга финал йўлланмасини тақдим этмади. 12 февраль куни Мадриддаги илк ўйинда «Атлетико» 4:0 ҳисобида зафар қучган эди. Икки ўйин натижасига кўра (4:3), «матрасчилар» «блауграна»ни мусобақадан чиқариб юбориб, финалга йўл олди.
Маълумот ўрнида, «Барселона» Испания Кубогининг амалдаги ғолиби ҳисобланарди. 2025 йил 26 апрелдаги финалда жамоа «Реал Мадрид»ни қўшимча таймларда 3:2 ҳисобида мағлуб этган эди.
Испания Кубоги. Ярим финал
«Барселона» — «Атлетико» 3:0 (0:4)
Голлар: Бернал (29, 72), Рафинья (45+4).
