Исломбек Баратов — «Локомотив» футболчиси
У ўнг қанот ҳимояси ва ярим ҳимоясида бирдек ўйнай олади.
Фото: Локомотив ПФК
Янги мавсумга ҳозирлик кўраётган "Локомотив" иқтидорли ярим ҳимоячи Исломбек Баратов билан шартнома имзолади.
Маълумот учун, Исломбек Баратов 2000-йил 10-май куни Қашқадарё вилояти, Косон туманида туғилган. "Насаф" футбол мактаби тарбияланувчиси. Бўйи - 177, вазни - 70.
Футболчилик фаолиятини "Насаф" (2020/2021), "Шўртан" (2022) ва "Машъал" (2023/2024/2025) клубларида ўтказган.
Баратов ўтган мавсум муборакликлар сафида Суперлигада 26та ўйинда майдонга тушиб, 3та гол муаллифи бўлди. У ўнг қанот ҳимояси ва ярим ҳимоясида бирдек ўйнай олади.
Розикжон Султонмуродов
Журналист
