Ўзбекистон U17 терма жамоаси бош мураббийи Тошкент халқаро аэропортидаги тантанали маросимдан кейин, журналистлар билан кичик суҳбат уюштирди:
"Албатта юксак эътироф, биз учун юксак ютуқ. Бош мураббий сифатида бунинг учун ҳаммага миннатдорчилик билдираман. Бунинг тагида жуда кўп инсонларнинг меҳнати ётибди. Жуда кўпчилик меҳнат қилди. Барчаларига раҳмат айтаман. Эмоцияларни таърифлаб бўлмайди.
Жамоа тўққиз киши қолганидан кейин олдимизда бошқа йўл йўқ эди. Фақат битта йўл бор эди, у ҳам бўлса ўйинни қутқариб қолиш. Иккинчи бўлимда мураббийлар штаби билан биргаликда тўғри ечим топа олдик ва футболчилар матонат кўрсатишди. Икки қизил карточка жамоага жуда катта руҳий таъсир қилди, лекин ишонч бор эди. Мураббий сифатида мен тушкунликка тушмаслигим керак эди. Чунки бу футболчиларга таъсир қилиши мумкин эди. Шунинг учун ҳам биринчи таймдан кейин футболчиларни руҳлантиришга ва тинчлантиришга ҳаракат қилдим",-дейди Исмоилов
Спорт — бир босишда!
Жамиятларимизга обуна бўлинг ва спорт воқеаларидан хабардор бўлинг!
