Исак: «Кристал Пэлас» осонликча таслим бўлмайдиган жамоалардан бири»

«Ливерпул» ҳужумчиси Александр Исак Англия Премьер-лигасининг 34-туридан ўрин олган «Кристал Пэлас»га қарши учрашув (3:1) ҳақидаги таассуротлари билан ўртоқлашди.

«"Кристал Пэлас" — кучли рақиб, уларга қарши ўйинлар ҳеч қачон осон кечмайди. Ўйлашимча, аксарият вазиятларда ўзимизни яхши кўрсата олдик, фақат баҳс якунида бунчалик асабийлашмаслигимиз керак эди. Ёмон ўйнамадик, учинчи голни уришга муваффақ бўлганимиз жуда яхши бўлди.

"Кристал Пэлас" — гол уриш ва вазият яратиш энг қийин бўлган, осонликча таслим бўлмайдиган жамоалардан бири. Менимча, биз ўз салоҳиятимизни намойиш эта олдик — энди фақат шу формани сақлаб қолишимиз керак», — дея Исакнинг сўзларини келтирмоқда мерсисайдликларнинг расмий сайти.

Насрулло Каримов

Журналист