Исак: «Ўйлайманки, бизда салоҳият борлигини кўрсатдик»
"Ливерпул" форварди "Кристал Пэлас"га қарши баҳс борасида ўз фикрларини билдирди.
ФОТО: Getty images
"Ливерпул" ҳужумчиси Александр Исак Англия Премьер-лигасининг 34-турида "Кристал Пэлас"га (3:1) қарши ўйиндан сўнг ўз таассуротлари билан ўртоқлашди.
"Кристал Пэлас" — яхши рақиб, уларга қарши ўйинлар ҳеч қачон осон бўлмайди. Ўйлайманки, кўп вазиятларда ўзимизни яхши кўрсатдик, балки, якунда бунчалик асабийлашмаслик керак эди. Ёмон ўйнамадик, учинчи голни уришга муваффақ бўлганимиз аъло.
"Кристал Пэлас" — энг ён бермайдиган жамоалардан бири, уларга гол уриш ва вазиятлар яратиш қийин. Ўйлайманки, бизда салоҳият борлигини кўрсатдик — шунчаки бу спорт формасини сақлаб қолиш керак", — дея Исакнинг сўзларини келтиради мерсисайдликлар расмий сайти.
Розикжон Султонмуродов
Журналист