Қирғизистонда легионерларга чеклов қўйилади
Қирғизистон олий лигаси хорижлик футболчиларга нисбатан чекловни кучайтиришни режалаштирмоқда.
Ҳозирда ҳар бир жамоада бир вақтнинг ўзида саккиз нафаргача хорижлик майдонга тушиши мумкин.
Айни пайтда, жорий йилда Қирғизистон олий лигасида клублар сони 10 тадан 14 тага кўпайди, бу эса қирғизистонлик футболчиларга талабнинг ортишига ва маошларнинг ошишига олиб келди. Келгуси йилда Лигани 16 та клубга кенгайтириш режалаштирилган, бу эса қирғизистонлик футболчиларнинг маош талабини янада оширади.
Эслатиб ўтамиз, Ўзбекистон Қирғизистон Премер-лигасида энг кўп хорижлик футболчига эга: Қўшибхонов, Сидоров, Маматказин, Марадона Сафаров каби 14 та клубнинг 10 тасида 31 нафар футболчи бор.
Украина иккинчи ўринда туради (24 ўйинчи), учинчи ўринда Россия (19 ўйинчи), аммо руслар ЕОИИ қоидаларига кўра хорижий ўйинчилар ҳисобланмайди.
