Ираола: «Алиссон нафақат майдонда, балки кийиниш хонасида ҳам муҳим фигура»
«Ливерпуль» бош мураббийи Андони Ираола жамоадаги дарвозабонлар ҳолати ва Алиссон Беккернинг аҳамияти ҳақида ўз фикрлари билан ўртоқлашди.
«Ҳозирги дарвозабонларимиздан жуда мамнунман. Бизда Алиссон бор, Жоржи (Мамардашвили) бор. Масалан, Армин (Печи)ни ижарага жўнатамиз, чунки у ривожланишнинг бошқа босқичида турибди. Аммо ҳозир таркибимиздаги дарвозабонлар туфайли ўзимизни ишончли ҳис қиламиз.
Турли сабабларга кўра уч нафар тажрибали дарвозабонга эгамиз. Шунингдек, Фредди (Вудман) ҳам ўтган мавсумда бир нечта ўйинда майдонга тушди. Менимча, бу бизга дарвоза чизиғида зарур барқарорликни таъминлайди», — деди Ираола.
Мураббийнинг таъкидлашича, Алиссон жамоа учун фақатгина юқори савияли дарвозабон эмас, балки кийиниш хонасида ҳам муҳим етакчилардан бири ҳисобланади.
«Алиссон кийиниш хонасида ҳам жуда муҳим шахс. Айниқса, жамоа айрим тажрибали етакчиларини йўқотганини ҳисобга олсак, унинг роли янада аҳамиятли. Янги трансферлар, янги футболчилар ва ёш ўйинчиларнинг жамоага тезроқ мослашишида у катта ёрдам беради», — дея қўшимча қилди «Ливерпуль» бош мураббийи.
