Iraola: «Alisson nafaqat maydonda, balki kiyinish xonasida ham muhim figura»
«Liverpul» bosh murabbiyi Andoni Iraola jamoadagi darvozabonlar holati va Alisson Beckerning ahamiyati haqida o‘z fikrlari bilan o‘rtoqlashdi.
«Hozirgi darvozabonlarimizdan juda mamnunman. Bizda Alisson bor, Jorji (Mamardashvili) bor. Masalan, Armin (Pechi)ni ijaraga jo‘natamiz, chunki u rivojlanishning boshqa bosqichida turibdi. Ammo hozir tarkibimizdagi darvozabonlar tufayli o‘zimizni ishonchli his qilamiz.
Turli sabablarga ko‘ra uch nafar tajribali darvozabonga egamiz. Shuningdek, Freddi (Woodman) ham o‘tgan mavsumda bir necha o‘yinda maydonga tushdi. Menimcha, bu bizga darvoza chizig‘ida zarur barqarorlikni ta’minlaydi», — dedi Iraola.
Murabbiyning ta’kidlashicha, Alisson jamoa uchun faqatgina yuqori saviyali darvozabon emas, balki kiyinish xonasida ham muhim yetakchilardan biri hisoblanadi.
«Alisson kiyinish xonasida ham juda muhim shaxs. Ayniqsa, jamoa ayrim tajribali yetakchilarini yo‘qotganini hisobga olsak, uning roli yanada ahamiyatli. Yangi transferlar, yangi futbolchilar va yosh o‘yinchilarning jamoaga tezroq moslashishida u katta yordam beradi», — deya qo‘shimcha qildi «Liverpul» bosh murabbiyi.
