«Ипсвич Таун» бош мураббийи Киран Маккенна клубни тарк этиши мумкин
Унга элита дивизиони клублари мураббийга қизиқиш билдирмоқда.
ФОТО: Getty images
The Sun маълумотларига кўра, «Ипсвич Таун» бош мураббийи Киран Маккенна жамоани тарк этиши мумкин.
Аввалроқ «трактористлар» мутахассис бошчилигида Чемпионшипда иккинчи ўринни эгаллаб, Англия Премьер-лигасига чиқишган эди.
Манбанинг маълумотига кўра, бир қатор элита дивизиони клублари мураббийга қизиқиш билдирмоқда.
«Ипсвич Таун» Маккенна билан хайрлашишни истамаса-да, унинг ўрнига номзодлар рўйхатини тайёрлаб қўйган. Киран Маккеннанинг энг эҳтимолий келгуси манзили – «Кристал Пэлас», чунки ёзда клубдан Оливер Гласнер кетади. Шу билан бирга, Андони Ираолуни ҳам таклиф қилишлари мумкин.
Розикжон Султонмуродов
Журналист