«Интер»нинг Лукман борасида илк таклифи рад этилди
Фото: Getty Images
"Интер" Адемола Лукман борасида илк таклифни юборди. Бу ҳақда Sky Sport Italia хабар берди.
Манбадаги маълумотларга кўра, Милан клуби "Аталанта"га ҳужумчини 40 миллион еврога сотиб олишга тайёрлигини билдирган.
Бироқ Бергамо клубига бу таклиф маъқул келмаган.
"Интер" футболчи билан келишиб бўлган ва шу сабабли у учун кўпроқ тўлашни истамаяпти.
“Аталанта” ўз футболчисини сотишга рози. Фақат клуб Лукман трансферидан камида 55-60 миллион евро ишлаб олмоқчи.
Ўтган мавсум 27 ёшли форвард А Серияда 31 ўйинда қатнашиб, 15 гол ва 5 ассист қайд этди.
Баҳром Бобонов
Редактор
