“Интер”да 28 йиллик давр якунланмоқда: Пьеро Аузилио клубни тарк этади
Миланнинг “Интер” клуби спорт директори Пьеро Аузилио билан ҳамкорликни якунлашга тайёрланмоқда. Инсайдер Николо Скиранинг хабарига кўра, 54 ёшли функционер узоқ йиллик фаолиятидан сўнг клуб билан хайрлашади.
Аузилио “Интер” тизимида 28 йил фаолият олиб борди. У клубга 1998-йилда келиб қўшилган ва турли лавозимларда ишлаганидан сўнг спорт директори даражасига кўтарилган. Шу тариқа, “нерадзурри” сафидаги қарийб уч ўн йиллик фаолият якунига етмоқда.
Италия ОАВига кўра, томонлар янги шартнома бўйича келиша олмаган. Аузилио клубга амалдаги келишувни узайтириш ниятида эмаслигини билдирган, “Интер” эса уни узоқ муддатга сақлаб қолиш бўйича келишувга эриша олмаган.
Маълумот учун, “Интер” янги А Серия мавсумини икки ғалаба билан бошлади ва айни пайтда турнир жадвалида иккинчи ўринда бормоқда. Миланликлар навбатдаги чемпионат учрашувини 5-сентябрь куни “Наполи”га қарши ўтказади.
