«Интер» Зоммер ўрнига АПЛдан дарвозабон олиб келмоқчи
Франциялик кипер жорий мавсумда бирорта учрашувда майдонга тушмади.
ФОТО: Getty images
"Лидс" дарвозабони Иллан Мелье Миланнинг "Интер" клуби қизиқишлар доирасига кириб қолди. Бу ҳақда журналист Экрем Конур хабар берди.
Манбага кўра, франциялик 25 ёшли кипер жорий мавсумда “товус”лар сафида бирорта ўйинда майдонга тушгани йўқ. Футболчининг клуб билан шартномаси 2026 йилнинг ёзида якунига етади.
“Интер” эса унинг атрофидаги воқеалларни диққат билан кузатиб боряпти ва яқинда 37 ёшни қаршилайдиган Ян Зоммернинг ўрнига таклиф қилишни режалаштирган.
Иллан Мелье 2020 йилда "Лорьян"дан "Лидс" сафига келганидан бери 214 та ўйинда майдонга тушган. Transfermarkt экспертлари Франция ёшлар терма жамоаси собиқ футболчисининг нархини 16 млн еврога баҳоламоқда.
Розикжон Султонмуродов
Журналист