«Интер» собиқ футболчиси «Верона» билан шартнома имзолади
31 ёшли футболчи июль ойида "Монца"ни тарк этганди.
ФОТО: Getty images
"Интер" клуби ва Италия терма жамоасининг собиқ ярим ҳимоячиси Роберто Гальярдини "Верона" билан бир йиллик шартнома имзолади. Бу ҳақда клуб расмий сайти хабар бермоқда.
Қайд этилишича 31 ёшли футболчи июль ойида "Монца"ни тарк этганидан кейин эркин агентга айланганди.
Ўтган мавсумда Гальярдини соғлиғи билан боғлиқ муаммолар туфайли А Серияда атиги 8 та ўйинда майдонга тушди.
Роберто фаолиятини "Аталанта" академиясида бошлаган, "Интер"да ўйнаган, у ерда Италия чемпионати, иккита мамлакат кубоги ва иккита Суперкубогини қўлга киритган, шунингдек, Италия U-20, U-21 ва катталар терма жамоасида ўйнаган.
Розикжон Султонмуродов
Журналист