«Inter» sobiq futbolchisi «Verona» bilan shartnoma imzoladi

"Inter" klubi va Italiya terma jamoasining sobiq yarim himoyachisi Roberto Gagliardini "Verona" bilan bir yillik shartnoma imzoladi. Bu haqda klub rasmiy sayti xabar bermoqda.

Qayd etilishicha, 31 yoshli futbolchi iyul oyida "Monza"ni tark etganidan so‘ng erkin agentga aylangandi.

O‘tgan mavsumda Gagliardini sog‘lig‘i bilan bog‘liq muammolar sababli A Seriyada atigi 8 ta o‘yinda maydonga tushdi.

Roberto faoliyatini "Atalanta" akademiyasida boshlagan, "Inter"da o‘ynagan, u yerda Italiya chempionati, ikkita mamlakat kubogi va ikkita Superkubokni qo‘lga kiritgan, shuningdek, Italiya U-20, U-21 va kattalar terma jamoasida ham maydonga tushgan.

Roziqjon Sultonmurodov

Jurnalist