«Интер» раҳбарияти Диего Симеоне билан боғланди
«Интер» раҳбарияти Мадриднинг «Атлетико» клуби бош мураббийи Диего Симеоне билан боғланиб, уни жамоага таклиф этиш имкониятларини ўрганди. Бу ҳақда инсайдер Санти Ауна хабар бермоқда.
Манбага кўра, аргентиналик мутахассис Италия клуби раҳбарларининг асосий орзуси ҳисобланади.
Шунингдек, «Интер» ҳозирги бош мураббий Кристиан Киву билан шартномани узайтириш бўйича ҳам параллел равишда музокаралар олиб бораётгани айтилмоқда.
Маълумот учун, Симеоне 1997 йилнинг июлидан 1999 йилнинг июлига қадар «Интер» сафида футболчи сифатида тўп сурган. 2011 йилнинг январидан июнига қадар эса у Италиянинг бошқа бир клуби — «Катания»да бош мураббий бўлиб ишлаган.
Сешанба, 14 апрель куни Диего Симеоне бошқарувидаги «Атлетико» икки ўйин натижасига кўра «Барселона»ни мағлуб этиб (2:0, 1:2), УЕФА Чемпионлар Лигасининг яримфиналига йўлланма олди.
