«Inter» мухлислари учта сафар ўйинига дисквалификация қилинди
Италия А Серияси доирасида «Кремонезе»га қарши баҳсда юз берган кўнгилсиз воқеа «Inter» мухлислари учун қимматга тушадиган бўлди. Ўйин давомида «нерадзуррилар» ишқибозлари мезбонлар дарвозабони Эмил Аудерога қарата петарда улоқтиришган.
Ушбу портлаш оқибатида 29 ёшли посбоннинг оёғи шикастланган, қолаверса, у ўнг қулоғида эшитиш қобилияти пасайганидан шикоят қилган. Мазкур жиддий тартибсизлик ортидан Италия Ички ишлар вазирлиги кескин чоралар кўришга қарор қилди.
La Gazzetta dello Sport нашри тарқатган расмий баёнотга кўра, вазирлик «Inter» мухлислари учун 2026 йилнинг 23 мартига қадар сафар ўйинларига боришни тақиқлади. Шунингдек, ушбу учрашувлар учун Ломбардия вилояти аҳолисига чипта сотиш ҳам тўхтатилган.
«Ушбу чора жамоат тартиби ва хавфсизлигини таъминлаш ҳамда спорт тадбирларига халал берадиган кўнгилсиз ҳолатлар такрорланишининг олдини олишга қаратилган», — дейилади вазирлик хабарида.
Қайд этилишича, ушбу тақиқ 8 март куни бўлиб ўтадиган «Milan» ва «Inter» ўртасидаги дербигa дахл қилмайди. Бироқ, «Inter» мухлислари «Sassuolo», «Lechche» ва «Fiorentina»га қарши кечадиган сафар баҳсларида ўз жамоаларини стадиондан туриб қўллаб-қувватлай олмайдилар.
