«Интер Майами» Мессининг жароҳати сабаб ўртоқлик ўйинини бошқа вақтга кўчирди
«Интер Майами» клуби Пуэрто-Рикода «Индепендьенте дел Валле» жамоасига қарши ўтказилиши режалаштирилган ўртоқлик учрашуви бошқа муддатга кўчирилганини расман эълон қилди.
Мазкур қарорга жамоа ҳужумчиси Лионел Мессининг Эквадорнинг «Барселона» клуби билан ўйинда олган жароҳати сабаб бўлган. Клуб 12 февраль куни юлдуз футболчининг соғлиғи билан боғлиқ муаммолар борлигини тасдиқлади.
Лионел Месси клуб матбуот хизмати орқали мухлисларга мурожаат қилиб, сўнгги баҳсда мушакларида зўриқиш ҳис қилганини, бироқ Пуэрто-Рикодаги учрашувни интизорлик билан кутётганини билдирди. Унинг сўзларига кўра, клуб билан биргаликда мухлисларнинг иштиёқи инобатга олинган ҳолда, сафарни амалга ошириш учун муқобил сана танланган.
Дастлаб 14 февралга белгиланган ўйин эндиликда 26 февраль куни бўлиб ўтади.
