«Интер Майами» Ло Чельсога қизиқиш билдирмоқда — манба
Аргентиналик футболчининг амалдаги шартномаси 2028 йил ёзигача мўлжалланган.
ФОТО: Getty images
«Бетис» ярим ҳимоячиси Жованни Ло Чельсо МЛСнинг «Интер Майами» жамоаси учун трансфер мақсадларидан бирига айланди. Бу ҳақда El Correo de Andalucia хабар бермоқда.
Манба маълумотига кўра, Севилья клуби футболчи учун 5 млн евро талаб қилмоқда. Аргентиналик футболчининг амалдаги шартномаси 2028 йил ёзигача мўлжалланган.
Жованни Ло Чельсо «Росарио Сентраль» тарбияланувчиси бўлиб, катта футболда ҳам ушбу клуб сафида тўп сурган. Бундан ташқари, ярим ҳимоячи фаолиятида «Пари Сен-Жермен», «Тоттенхэм Хотспур» ва «Вильярреал» клублари ҳам бор. «Бетис»да у 2024 йил ёзидан бери ўйнамоқда, аввал эса 2018 йилдан 2020 йилгача ҳам ушбу жамоа шарафини ҳимоя қилган.
Розикжон Султонмуродов
Журналист