«Интер» Глебовни сотиб олмоқчи — манба
Глебовнинг "Интер"га трансфер summаси 20 млн еврони ташкил қилиши мумкин.
ФОТО: Getty images
"Интер" клуби ЦСКАнинг ўнг қанот вингери Кирилл Глебовни кузатишда давом этмоқда.
Fc InterNews нашрининг хабар беришича, клубнинг устувор вазифаси кейинги мавсум учун рақобатбардош таркиб яратиш бўлиб қолмоқда, бироқ раҳбарият Европадаги ёш иқтидорларни, жумладан, Москва клуби футболчисини ҳам кузатиб бормоқда.
Манбага кўра, Глебовнинг вакиллари А Сериянинг 33-турида "Интер"нинг "Кальяри"га қарши (3:0) ўйини учун Миланда бўлишган ва у ерда клубнинг айрим аъзолари билан учрашишган. Улар "нерадзуррилар" футболчига қизиқиш билдириши мумкинлигини тасдиқлаган.
Хабар қилинишича, Глебовнинг "Интер"га трансфер суммаси 20 млн еврони ташкил қилиши мумкин. ЦСКА ўз футболчисининг трансфери учун айнан шунча сўрамоқда.
Розикжон Султонмуродов
Журналист