Инсинье \"Торонто\" билан шартномани бекор қилди
Фото: Getty Images
Лоренцо Инсинье ва “Торонто” жамоаси ўзаро келишувга биноан шартномани бекор қилди. Бу ҳақда Никола Скира хабар берди.
Унинг шартномаси 2026 йил июнь ойигача амал қилиши керак эди. Аммо энди у эркин агентга айланди.
Лоренцо 2022 йилнинг ёзидан бери МЛС клуби сафида тўп суриб келаётганди. Футболчи “Торонто”да юқори маошга эга бўлишига қарамай, А Серияга қайтишни хоҳламоқда. Унда бир нечта жамоалар билан музокара ўтказмоқда.
Шунингдек, унга Қатар, Саудия Арабистони ва Туркия клубларидан ҳам қизиқиш бор. 33 ёшли Лоренцо “Торонто” сафида 63 ўйинда 18 та гол урган.
Розикжон Султонмуродов
Журналист