Инфантино Жаҳон чемпионатини 64 та жамоагача кенгайтиришни режалаштирмоқда
Бу ҳақда журналист Ромен Молина ўзининг X ижтимоий тармоғида маълум қилди.
ФОТО: Getty images
ФИФА президенти Жанни Инфантино 2030 йилдан бошлаб Жаҳон чемпионати иштирокчилари сонини 64 та терма жамоага етказиш лойиҳасини илгари суришни режалаштирмоқда. Бу ҳақда журналист Ромен Молина ўзининг X ижтимоий тармоғида маълум қилди.
Манбага кўра, ушбу ташаббус Инфантинонинг 2027 йилда бўлиб ўтадиган ФИФА конгресси олдидан олиб бораётган сайловолди кампаниясининг муҳим қисми ҳисобланади.
Хабар қилинишича, лойиҳани амалга ошириш учун Инфантино Африка футболи раҳбарларининг қўллаб-қувватловига таянишни режалаштирган. Эвазига эса африкалик функционерлар ФИФА низомига ўзгартиш киритишни талаб қилмоқчи.
Бу ўзгартишлар Инфантинога ташкилот президенти лавозимига яна бир қўшимча муддатга номзодини қўйиш имконини бериши кутилмоқда.
Розикжон Султонмуродов
Журналист